「你快啲返火星啦！地球好危險㗎！」、「吓？吹簫萍唔識吹簫？」、「你睇我唔到！你睇我唔到！」……以上對白係咪好熟口熟面？只要你睇過周星馳嘅戲你必定背得出！上星期1班好同事的心血結晶《我們的80年代》引起了不少8字頭朋友嘅回響，個個都話好有共鳴，其實除咗「伴你成長時興隆，美食盡在不言中」外，影響80年代出生的小朋友最深莫過於星爺，筆者82年出世，細個時已經瘋狂愛上《黑白殭屍》，龍炳基同周星馳真係出色到不得了，絕對好睇過《葱葱闖地球》N倍！你叫我揀80'sIcon星爺絕對係代表中嘅XO，他一手創建的「無厘頭」文化，依然影響今時今日每1位朋友。相隔多年，依然聽到不少朋友翻煲星爺舊戲而且樂此不疲，大家都話《賭俠》看了不下20次，每次都可以開懷大笑。近年星爺開始改變戲路，好多朋友大彈《功夫》唔好睇又冇Meaning……如果你係飲星爺奶水大，你一定可以感受到整套戲就是星爺的夢想，戲中細路星爺俾人踐踏夢想，就等於多年來反對星爺的人。畢竟有夢是幸福的，請問你有沒有幻想過自己坐進高達同馬莎決戰呢？如果你覺得《功夫》垃圾，就等同踐踏了別人的夢想，當然你可以選擇唔鍾意，不過你亦唔可以踐踏別人的夢！今天我只想向這位識於微時的童年玩伴致敬，多謝星爺帶給了我們80's小朋友無限歡樂！
