周麗淇（Niki）和鄭嘉穎昨日錄影無綫的母親節特備節目《為美味喝采》，楊思琦、李彩華、向海嵐和葉翠翠均陪伴母親出席，一起下廚，溫馨之情盡在不言中。然而，身為主持的周麗淇和鄭嘉穎沒有母親在旁，眼見其他嘉賓同享天倫，即顯得格外寂寞。
母親節將至，一眾藝人李彩華（Rain）、楊思琦、向海嵐和葉翠翠等昨日紛紛陪同母親到將軍澳電視廣播城，錄影無綫的母親節特備節目《為美味喝采》。她們與母親拖手到場，攬攬錫錫，又一起下廚，十分溫馨。
合格主婦
思琦與母親齊煎蝦碌，她說：「我只係識整公仔麵同煎吓蛋，如果結婚就會急起直追，做個合格嘅家庭主婦。」雖然思琦廚藝不佳，但也會協助母親記下食譜，她說：「我廚藝雖然係手指尾嗰隻，但我細個時候，都會幫媽咪睇電視抄食譜。」今年母親節，思琦表示會在工作中度過，不過她說：「又唔一定要喺嗰日先慶祝，平時都可以孝順父母，每日都係母親節！」問到可會買禮物送給其男友李永豪的母親施明？思琦顯得非常害羞，並扯開話題說：「我得1個媽咪，梗係買1份啦！豪仔（李永豪）佢哋應該會送畀佢嘅媽咪嘅，得㗎喇！」
向海嵐甚少跟母親一同出席公開場合，她說：「其實好多時候都會送飾物畀媽咪，有一排見佢好鍾意戴心口針，所以就喺母親節送咗個心口針畀媽咪。咁多年嘅禮物入面，媽咪最鍾意我送嘅玫瑰花，花瓣入面寫住母親節快樂，媽咪話好有心思喎！」
鮮花寄意
另外，現場有人要求Niki扮嘉穎的母親，讓對方擁抱她，可惜二人拒絕。事後記者問他們為何如此避忌？Niki說：「我同佢做主持，無端端做乜又要攬又要嘴對嘴？如果咁就益晒佢啦！」嘉穎則說：「男人要有風度，佢覺得係益我就letitbe。佢都算係靚女，但心嗰句我唔講喇！不過頭先同埋鄭伊健食飯，Niki俾伊健笑泥頭車碌過都咁靚。」
至於Rain被問到男友蕭定一和李蘢怡的口角風波，蕭定一被指偏幫她，Rain否認說：「唔會啦！我經理人公司係寰宇，話畀晒啲嘢我做，咁會對林生林太（寰宇老闆林小明夫婦）好唔公平。我唔講喇！唔想涉及呢件事。」
採訪：王連連 攝影：陳俊強
