呢期瑞典富豪汽車真係多新車，嗰頭推出新一代S80豪華房車，跟住又話有C70開篷跑車，到最近又話會有新版XC90。雖然只係小改款，但最正係佢將引擎升級到3.2公升型號，實行以大力取勝。
查實呢台3.2公升直6引擎係源自新一代S80，它的馬力輸出高達238匹，連同稍低一級的2.5公升直5Turbo（210匹），以及頂級的4.4公升V8型號（315匹），實行以強大的動力輸出數值做賣點。至於外觀則變得更有成熟韻味，例如門邊鏡加設指揮燈和可選配鋁製車頂行李架等等，車身顏色也有新選擇，就是ElectricSilvermetallic和ShadowBlue，從而令部車望落Sharp好多。
車廂有咩變動？咪又係最簡單嘅轉換色調配襯囉！當中最突出就係中控台轉咗新嘅Display和金屬Look，座椅也用上全新的SovereignHide真皮縫製，坐落好舒服之餘，襯埋同屬全新的桃木裝飾，真係Grand到你唔信。
記者：袁國基