今次走勻港九新界發掘老舖，先發覺做生意真係無一本通書。以為賣成72蚊斤嘅叉燒，睇死撐唔到幾耐，結果日賣過百斤；老遠入到元朗，見到一間只賣盅飯嘅舖頭，就連老闆都承認買錯咗一間毫不顯眼嘅舖位，結果捱到今日已經超過四十年；通街都食到嘅牛丸、墨魚丸死得喇啩？老闆用秘製方法加料留客，經營了27年。花無百日紅？講呀!?
記者：葉靜君
攝影：何家亮、楊錦文
Model:Cody@Puremodels
新桂香燒臘 誠意叉燒街坊唔熟唔食
新桂香叉燒係柴灣最有誠意嘅燒味舖，話啲叉燒有誠意一啲都唔過份，負責人陳生話：「東區醫院嘅醫護人員成日都嚟幫襯，消防員同差佬差唔多日日嚟買飯盒，佢哋就連拜神嘅燒豬都嚟幫襯我，一買就幾十年喇！」
做咗45年，無一點誠意，點撐落去？開咗舖咁耐，同街坊感情自然要好，老闆話連佢哋鍾意食啲乜、食邊個部位都一清二楚！他們曾經有一段時間沒有開舖2個月，後來開番舖，以為會流失好多客，但一眾fans忠心耿耿，聽聞無開舖兩個月以來，街坊都無食過其他舖頭嘅叉燒！
食客幾句
新桂香燒臘（25561183）
地址：柴灣道345號G17號舖
營業時間：8:00am-9:00pm
大良泗記 獨門盅飯全靠四溝米
40多年前因選舖失策，位處大冬菇亭的中間位置，人流甚少。但現在到了第二代，由老闆個女同女婿拍住上，捱到今時今日證明真係有料到。他們直言生客難搵，現在都是靠一班熟客帶生客來幫襯，所以他們上下都十分落力與客人建立感情。加上四十年來的獨門原盅飯（用上新米溝舊米、中國米溝泰米），食落軟腍咬口，做到現在一直都保持水準，無老元朗人不知。
食客幾句
大良泗記（24743663）
地址：元朗大棠道熟食中心C5號舖
營業時間：5:00am-3:30pm
明記麵家 自製雙丸撐起間舖
開了27年的明記牛丸口碑好，原來楊師傅話以前的屠場離舖頭好近，所以牛丸新鮮得來又打得起，現在市場搬了，牛肉很易出水，隔半小時已打不起來，所以在觀塘自設廠房，索性用機器打，一日可以打到千幾粒，而且溝埋芝麻，令肉丸更香更有咬口。
不可不提當中的墨魚丸，肉是揀選自墨魚最厚的部份，所以膠質最重，再加入芹菜及馬蹄，但最給人驚喜的是有少許肥豬肉在入面，令其更加彈牙，咬落有油香。他說現在天氣熱，一日都打成百幾磅，比起出面麵檔已經算犀飛利！淨賣呢兩味丸已經夠撐起間舖！
每日機打魚蛋800粒
除了牛丸同墨魚丸，當然唔少得魚蛋，老闆楊生：
「𠵱家個個都話手打魚蛋夠彈牙，夠好食，我話佢哋個個都呃人！𠵱家啲後生仔邊有氣力打，一個人最多咪打十幾廿斤，根本唔夠供應全日！」
所以楊生索性用機打，一日可打700-800粒，而且用黃鱔、九棍、寶刀、生鱔仔及滑仔多種魚一拼放入機內攪，所以比起出面嘅魚蛋舖用紅衫魚、鮫魚打，更加爽滑，再加隻鴨蛋來攪魚漿，白淨到反光！
食客幾句
盧小姐：最鍾意食呢度啲魚片河，河粉夠滑，細路都難得鍾意食！
明記麵家（27573826）
地址：彩虹彩雲邨三號熟食檔
營業時間：9:00am-1:30am