緋聞男女陳豪及廖碧兒昨日以情侶檔行catwalk，不懂游泳的廖碧兒被問到可會找陳豪充當其游泳教練，男方竟然以拍劇忙碌為由推搪，不忿食檸檬的廖碧兒即說：「係咪要畀學費你先肯教？」
陳豪、廖碧兒、吳嘉龍及李嘉慧昨日在銅鑼灣時代廣場為時裝品牌Timberland示範最新春夏服飾鞋履，緋聞男女陳豪及廖碧兒以情侶檔行騷，大會安排兩人在活動上示範穿上兩套休閒服裝，行騷期間不時互相對望，廖碧兒又輕搭緋聞男友陳豪的肩膀，盡顯默契。
陳豪及廖碧兒均表示最近多了廣告商邀請兩人以情侶檔演出，問到可有令收入大增？廖碧兒說：「我哋唔知自己接工作嘅價錢，全部都係公司安排，不過的確多咗廣告商搵我哋一齊做嘢。」
面紅冒汗
被問到以拍檔形式工作，可有令默契大增？陳豪初則笑而不語，之後更是滿面通紅兼冒汗，廖碧兒馬上為對方解圍說：「佢着咗件外套覺得熱啫。」
廖碧兒及陳豪都十分喜愛戶外活動，廖碧兒平日喜歡帶兩隻小狗行山，但不懂游泳，相反來自澳洲黃金海岸的陳豪則最愛水上活動，問廖碧兒可會請陳豪當其游泳教練？兩人即場上演打情罵俏真人騷，陳豪竟然搶着說：「𠵱家拍劇拍到瞓覺都冇時間。」
尷尬補鑊
廖碧兒聞言大發嬌嗔說：「即係有錢搵你先有時間出嚟啦，係咪要畀學費你先肯教？」一臉尷尬的陳豪只好說：「有時間我會竭盡所能啦！」
採訪：卓美娟 攝影：陳偉權
