名模馬詩慧坦言同時兼顧家庭及工作有時感到十分辛苦，但從沒想過將教育子女的責任交託於人。十分注重培養子女興趣的她，早前還讓六歲幼子王躍穎參加一個飛機模擬駕駛器訓練班，讓他繼承父親王敏德的飛機師夢想。
馬詩慧（Janet）與演員丈夫王敏德（Michael）育有3子女，6歲幼子王躍穎（Kadin）精靈活潑，早前更參加了名為「A+小機師訓練班」的活動，成為全港首位操控飛機模擬駕駛器的小朋友。
炮製填鴨3寶
Janet日前帶同愛兒Kadin到中環接受本報訪問時，笑言Kadin因經常聽到父親大談駕駛飛機的經驗，因此對駕駛飛機十分感興趣。Kadin亦表示十分盼望有朝一日可與父親一起在天空飛翔。
雖然Janet一家外表洋化，但她卻堅持讓3名子女入讀香港傳統學校，她說：「我知呢行嘅父母都會畀仔女讀國際學校，但係我就想小朋友規矩啲同有禮貌，起碼要識講最基本嘅『多謝』，始終國際學校會鬆好多，而且我哋以前都經歷過呢種填鴨式教育，冇可能佢哋𠵱家就做唔到。」
由於Janet從不將照顧子女的責任假手於人，因此她與3名兒女相處得十分融洽。Janet強調向來對子女實行軟硬兼施的管教方式，她說：「一定要賞罰分明，我同Michael都會做惡嘅角色，不過佢哋知爹哋唔蝦得，有時就會蝦吓我，但係我哋唔會偏心。其實有時我都覺得工作同家庭兩邊兼顧好辛苦，但係只要佢哋𠱁吓我，做啲sweet嘅嘢，我就乜嘢辛苦都唔記得。」
採訪：駱華齡 攝影：陳偉權
場地提供：CafedesArtistes
