施念慈日前現身跑馬地藍塘道Homa家具店，見佢喺店內狂掃咕𠱸、窗廉布同床單等，收穫好豐富，佢話係專誠嚟掃貨布置家居，佢話：「我得閒就會布置吓屋企，心情都會靚啲。呢間舖頭啲花布好靚，質地好舒服。其實我之前去美國旅行時，亦見過類似嘅花布，但係價錢就好貴，所以唔捨得買，呢度嘅價錢平好多，所以我自己買之餘，亦買咗啲咕𠱸同床單送畀朋友。」