已擔任Coach代言人1年的容祖兒，上月底功成身退，但她仍大讚品牌今季款式十分可愛，她說：「SohoOpticApplique嘅小蜜蜂圖案好可愛，我經常都有鋪買袋癮，覺得買嘅時候好開心，不過買完唔用就好浪費，最貴試過用5萬買1個手袋，不過就唔肉痛，因為買嘅時候有股衝動，若果成日用都會覺得值回票價。」
積極備戰
下月容祖兒便會與國際級小提琴家姚珏和捷克莫拉維亞交響樂團一起舉行「容祖兒．莫拉維亞交響樂團音樂會」，現正積極備戰，她說：「我𠵱家已經開始練歌，因為音樂會涉及3個唔同單位，所以要努力做好自己本份。」
容祖兒續說：「全個concert會圍繞愛為主題，希望透過音樂傳達愛嘅訊息。」