倪震與女友周慧敏（Vivian）、倪匡夫婦和堪輿學家麥玲玲食飯慶祝42歲生日，Vivian雖未入門，但已稱呼倪匡夫婦為阿爸阿媽，又扶着倪震母親出出入入，麥玲玲更指二人八字甚夾，中秋結婚最吉利。
倪震昨日42歲生日，周慧敏前晚與未來老爺奶奶倪匡夫婦、黃霑遺孀Winnie和堪輿學家麥玲玲夫婦在灣仔車氏粵菜軒食飯，提早為倪震賀壽。
扶奶奶離開
前晚九時多，倪震拿着麥玲玲送的生日蛋糕，親自點蠟燭許願，雖然倪震的母親對鏡頭很迴避，但倪震父親倪匡卻跟壽星仔一樣全場笑容滿臉。當記者要求倪震拿着蛋糕拍照，他卻幽默地說：「我攞住阿V（周慧敏）影相啦！」約九時半倪震即負責做柴可夫送兩老離去，Vivian對未來老爺和奶奶亦照顧有加，離開時還攙扶着奶奶的手臂。
前晚的飯局上，倪震與雙親、連同Vivian及堪輿學家麥玲玲同席吃飯，莫非倪震打算找麥玲玲揀日子結婚？倪震說：「唔係，朋友食飯啫！」記者昨日致電麥玲玲求證，她說：「唔係，因為倪震今日生日，加上Vivian就快開騷，所以我哋咪約食飯一齊慶祝。」問到倪震和Vivian的八字是否很夾，並適宜今年結婚？麥玲玲說：「佢哋幾夾㗎，如果打算結婚，今年中秋節個期最吉利。」
貓狗當仔女
此外，商台昨天繼續播出Vivian的錄音訪問，對於她可會與倪震結婚生BB，Vivian說：「我已經當我嘅貓狗係仔女，唔會生喇！結婚我諗都唔會住，以前二十幾歲或者有諗過，但𠵱家思想都改變咗，只要生活開心就得。」
採訪、攝影：比華利、娛樂突發組
