席捲亞洲嘅韓風歷久不衰，就連近期人氣下滑唔少嘅吳建豪（左），亦寧願夥拍喺內地紅到發紫嘅韓星安七炫（右）組新組合，都唔願意搵番老拍檔F4。吳建豪將會聯同安七炫由5月起以全新組合進攻全亞洲，到時唔理唱片、戲劇定廣告都會有機會見到佢哋嘅蹤影。唔識韓文嘅吳建豪𠵱家就喺韓國接受緊一連串訓練，到時佢亦大有機會喺韓國發展㖭。