孖仔組合Soler前晚首度在紅館舉行個場，雖然他們沒有華麗的服裝，但大佬Julio不時在台上扯高上衣，細佬Dino更將結他放於下身做出挑逗動作，引得台下女歌迷V嘩鬼叫。而一名外籍女歌迷更獲選與Soler共度一晚，不過Soler就設下防線：「嘴對嘴就唔好，我哋係一齊出嚟玩，唔係同佢玩，我哋有底線同底褲」。
孖仔組合Soler前晚進駐紅館舉行「SolerLet'sGoCrazy」演唱會，入座率有9成，雖然兩子多獻唱別人的歌，但無損其魅力，台下觀眾看得相當投入，到中段時大半觀眾情緒已高漲得站起來。
莫文蔚失色
Soler前晚僅換了3套服裝，其中1套以背心示人，大騷肌肉，大佬Julio唱到大汗淋漓時更抵死地笑說：「好熱呀，唔知飲水定除衫呢？」觀眾即時大叫「除衫」，就連早前和大佬Julio傳出緋聞的「餅碎」Angela亦興奮得手舞足蹈，但Julio最後只是飲水了事。
至於全晚結他不離手的細佬Dino亦不甘示弱，他在台上將結他放於下體，做出挑逗動作，更在Julio及自己身上淋水，即時引得台下女歌迷尖叫。
前晚Soler邀請了莫文蔚（Karen）及黃貫中做表演嘉賓，雖然Karen悉心打扮，更毫不吝嗇騷長腿及獻飛吻，但當她獨唱《24》一曲時卻成為全晚的廁所位，她在台上說：「我同佢哋都唔熟，但好開心佢哋請我嚟。」反觀被Soler形容為英雄的黃貫中出場時就掀起全晚高潮，他和孖仔合唱《無得比》，之後又獨唱《踩界》，風頭蓋過兩位主角。
早前Soler曾呼籲歌迷以「crazy」（瘋狂）打扮入場，前晚不少歌迷穿上奇裝異服，Soler即場邀請3個組別上台讓現場觀眾投票，最後由1名穿上以Soler海報當裙的外籍少女勝出，她將會和Soler共度1晚。
一拖就兩個
事後Soler在慶功宴上強調未落實如何與女歌迷共度1晚，至於會否擔心女歌迷要求有身體接觸等過火行為時，Dino就搞笑說：「嘴對嘴就唔好，我哋係一齊出嚟玩，唔係同佢玩，我哋有底線同底褲，就算要求拖手都一定要拖晒兩個，煮飯畀佢食都OK，但就唔好去我屋企，我唔想俾人見到我間屋，最多唔入我間房啦。」
採訪：駱華齡
攝影：林德雄
