世紀21每年都會搞個「百夫長」頒獎禮，表揚一眾表現出色嘅員工。繼今個月中喺美國搞嘅國際頒獎禮，香港區嘅頒獎禮噚日舉行，佢哋更請咗位靚女舞蹈家，現場表演呢期好流行嘅肚皮舞。唔止咁，行政總裁吳啓民仲聯同一班加盟商老闆及前線精英員工，一齊大跳肚皮舞，娛己又娛賓，台下當然報以熱烈掌聲。 據講，呢個百夫長獎同奧斯卡個獎都係同一間製造商鑄造，絕對唔簡單嘅。