余文樂和楊恭如昨日在新蒲崗為劇集《浴火鳳凰》配音，劇中兩人飾演夫妻，故有不少親熱鏡頭，恭如更笑指樂仔拍親熱戲時十分害羞。對於被恭如取笑，樂仔未有介意，他說：「可能係佢比較大膽呀，咁我又少拍戲經驗，怕俾人誤會我鹹豬手就唔好喇，所以要比較疏遠少少。」
「死唔斷氣冤住我」
目前正處於休息狀態的恭如表示早前到日本旅行，而下月將會再為劇集開工，問到她可知有傳前緋聞男友周正毅下月將獲釋？恭如即說：「你哋又攞出嚟講，都唔關事，幾年前嘅唔好死唔斷氣咁冤住我喇，我都冇留意呢啲新聞。」恭如自言目前以工作賺錢為目標，感情只能隨緣，問到恭如可有追求者時，她說：「有都唔話畀你知喇。」
採訪、攝影：王崇穎