陳寶珠終於都有自己嘅蠟像啦！香港杜莎夫人蠟像館幫寶珠姐做蠟像，估計今年9月就會做好，噚日寶珠姐喺金鐘出席記者會，作狀度身，亦順便為佢7月同鄭少秋合作做嘅音樂劇《天之驕子》做宣傳，今次寶珠個蠟像係古裝造型，着嗰件戲服就係《天》入面其中1套戲服。寶珠姐話好榮幸可以有自己嘅蠟像放喺蠟像館，而且仲係第1個粵劇界代表㖭。