雖然有傳電影《夜宴》9月先會上映，但近日宣傳攻勢已經開始咗，導演馮小剛日前喺北京出席《夜宴》記者會，大講自己套《夜宴》絕對唔會堆砌色彩同炫耀製作有幾大嘅說話，似乎係寸緊鍾意喺電影度大玩色彩嘅張藝謀同陳凱歌。張藝謀嘅製片張偉平聽到咁講就即時反駁話：「馮小剛的老毛病又犯了，他就喜歡拿別人說故事。作為一個導演可以不懂得攝影，但不能不懂色彩，因為色彩可以給觀眾帶來視覺上的享受和震撼。」
黑白片也有經典
對於被張偉平反擊，馮小剛並冇扯火，佢只係話：「張偉平可能對我的話誤解，不管別人怎麼做，我們在追求一個色彩的減法，但並不是不要色彩，是你怎麼用色彩，就算沒有色彩，也不是說電影就不成立，黑白片也有很多經典的作品！」不過，馮小剛就話同導演張藝謀同陳凱歌目前好團結，仲話自己所講嘅說話冇攻擊性，又覺得導演之間係可以開玩笑嘅。