達明一派將會喺本周末喺上海舉行演唱會，到時佢哋會獻唱30首經典金曲，就連早年俾內地禁唱嘅《禁色》到時都會喺演唱會獻唱。今次達明一派唔會邀請表演嘉賓，對於首次喺內地舉行個唱，佢哋心情都好緊張，仲話好似返番去20年前籌備第1張專輯時嘅心情一樣。而上個月黃耀明喺中環投資咗成百萬開咗間錄音室，所以嚟緊會喺呢間錄音室做綵排。