胡敏珊噚日喺銅鑼灣幫一個頒獎活動做嘉賓，佢話有時工作太忙做得辛苦，都會買禮物獎勵自己，當然買嘅禮物大多數都係手錶，因為佢自己好鍾意收藏手錶，屋企個人收藏起碼過百隻，最鍾意嗰隻錶係一隻古董勞力士，胡敏珊打算攞隻錶出嚟拍賣，純粹係想知隻錶去到乜嘢價，唔係好心動嘅價錢都未必肯賣。