成奎安同尹志強及黃日華以明星足球隊身份日前去西安出席足球友誼賽記者會，席間佢哋大開玩笑，踢爆尹志強好怕老婆（指米雪），而成奎安仲講話香港嘅四大天王，原本佢有份，但因為生得醜至被踢出局。佢又口疏疏爆話劉德華同梁朝偉雖然未結婚，但就同女友同居，同結婚冇分別喎，睇嚟佢返到香港實會被華仔找晦氣。
