上個星期搭過一程過海小巴，我發誓以後搭通宵小巴都唔會瞌眼瞓！跟一班好友在銅鑼灣卡啦OK開完生日Party，走到怡和街搭通宵小巴到旺角，噩夢也隨即開始。上車時，我的右腳未及離開梯級，車門已「啪」一聲的關上並即時開車，如果企得唔穩的話，即刻可以由車尾嘅太平門落車！好不容易才找到座位，點知師傅一腳重Brake，全車乘客來一次「跪拜」，在短短20分鐘的車程內，大家斷續重複這個動作超過三十次，真係拜神都無咁神心。至於車速警報器，由開車嗰刻開始叫到旺角，全程車速都係約80km/h，但咁樣揸法，一樣好危險！
揸車搵食嘅朋友，為兩餐開快啲絕不為奇，但因而發生意外令乘客受傷，你良心過意得去嗎？另外，求求各位的士和小巴大佬，唔好無客就慢慢行阻住條街，滿客就好似舒密加上身，喺馬路上面見車就推、燈又唔打咁去切線，如果我再見到咁嘅情況，我一定會報警！
記者：鄭達基