政府早前話明，田少就特首選舉修訂條例提出嘅修訂，話要刪去特首候選人唔准擁有政黨背景嘅部份，超出原有條文範圍，咁樣已經畀咗好大貼士范太，點條路畀佢做裁決。
聽講，范太已經分別去信田少同楊森，話政府已經講到明佢哋嘅修訂唔掂喎，咁𠵱家佢哋想點呢？係咪繼續呢？
八方聽聞田少同楊森都會堅持去馬，唔會收番。
據知北京好緊張呢項修訂，怕有機會過到嘛。八方同政府高層傾開，佢哋話政府最擔心係有日香港會選咗政黨領袖，如果個黨話要改黨綱，反對一國兩制，咁就好難搞，所以一定要防範未然，速速否決先得。
唉，就算條友出身於共產黨，都有可能會忽然反對一國兩制，中央乜都驚，不如搵個木偶做特首，就全冇問題啦。
爆料熱線：29290000、27860099
報料傳真：26239278
報料電郵：[email protected]