成龍昨日與古天樂在中環為主演的新片《寶貝計劃》拍攝煞科戲，對於兒子房祖名日前在大連拍戲受傷，成龍竟說：「條路佢自己揀，由得佢。」
成龍、古天樂和許冠文等昨日一身卡通版監犯造型，與BBMatthew、蔡卓妍（阿Sa）、應采兒和余安安等在中環拍攝新片《寶貝計劃》（前名BB計劃）的煞科戲。
自讚胸夠厚
房祖名日前在大連拍戲受傷，身為父親的成龍竟說：「佢受傷都冇我十分一，等佢知道我拍戲係幾辛苦，條路係佢自己揀，唔讀書要拍戲，由得佢，係佢咎由自取。」
而昨日拍攝現場，戲中主角BBMatthew對待不同明星，竟有不同的態度，成龍一抱起Matthew，Matthew就會扁嘴想哭，嚇得成龍抱着BB四圍跑，但應采兒抱着他，他就乖乖的，還伏在她的肩膊睡覺。
應采兒抱起扭計的Matthew時，在旁的余安安、成龍即圍在一起設法𠱁這位可愛的小明星，應采兒邊抱邊搖動他，十足湊仔婆，卻遭成龍喝止說：「你唔好搖呀，唔係佢就瞓㗎啦，同佢玩啦。」一個BB要一班明星輪流服侍，場面惹笑。
應采兒更踢爆Matthew愛有胸的女人，她說：「聽聞佢鍾意有胸女人，唔鍾意男人，所以我抱起佢，搖兩搖佢就瞓，好得意，可能我個胸夠厚啦，哈哈！」
挺腰最辛苦
阿Sa在片中演一個有五個月身孕的大肚婆，經手人是古天樂，阿Sa說：「雖然個假肚唔重，但要挺直條腰扮大肚婆，條腰真係好辛苦，我都想生對孖胎，不過要等三十幾歲先。」
採訪：魯萍 攝影：陳俊強
