一班歌手前晚為吳國敬作曲的奧運宣傳歌錄音，有指林子祥（阿Lam）因婚變取消錄音，吳國敬竟爆響口說：「希望佢唔開心變開心啦。」似乎暗示他們的婚姻有問題。而徐小鳳錄歌時，錄整首歌只花一小時，比起新一代歌手錄幾句動輒半小時確實有水準。
徐小鳳、陳奕迅（Eason）、陳慧琳和梁漢文等歌手前晚到尖沙嘴為吳國敬作曲的二○○八年奧運宣傳歌《奧運北京》錄音。
有傳林子祥因婚變而取消錄音，吳國敬表示不知別人家事，但後來又說：「希望佢唔開心變開心啦。」自知失言後，又補充道：「我乜都唔知，我意思係希望身邊嘅人都開心。」談到《奧》曲由譚詠麟做統籌，吳國敬說：「佢連踩十六個鐘，又聽又編首歌，我減少好多壓力，佢真係比我勤力十幾廿倍，仲要忙多兩、三個月做後期呀。」
考慮推出新碟
而徐小鳳去年舉行完復出個唱後，一直深居簡出，但稍後又要為準備聖誕檔個唱而忙碌，前晚錄歌時，小鳳姐頂着一頭獨特髮型，戴着七十年代款式的墨鏡，手挽彩色籐織籃，風格相當鮮明。
小鳳姐在錄音室逗留不到一小時，已錄好整首歌，比起錄幾句也要花上至少半句鐘的新一代歌手，可謂薑是老的辣。問小鳳姐錄歌時有否難度，她說：「有啲難，我同阿倫合唱，咪成首錄晒任佢哋剪囉，首歌好好聽呀。」小鳳姐謂重踏錄音室很好玩，又大讚今次製作認真，問到可有歌癮大發，打算出新碟？小鳳姐說：「我會考慮一下。」
Eason有實力添丁
剛從美國登台返港的Eason，馬上趕來錄音，有指他在拉斯維加斯攬女歌迷，Eason笑說：「佢哋畀面，乜好嘢都寫到變衰嘢，見我開心吖嘛，佢哋冇得攬，做嘢冇得玩，咪寫衰我囉。」有傳徐濠縈又懷孕三個月，Eason故弄玄虛：「係唔係都冇所謂，我自己唔知，不如多啲講音樂啦。」至於被指三年抱兩，Eason一臉輕佻地說：「我咁有實力。」
採訪：張俊銘
攝影：葉君海
