二○○六世界盃六月喺德國正式揭幕，四年一度盛事必然受到各界關注，就連世界盃主題曲嘅演唱者都爭得頭崩額裂，日前終於有結果，SonyBMG正式宣布庾澄慶（圖）會唱中文版會歌，而中文版主題曲會由旗下七位歌手陳坤、秦海璐、黃奕等合唱，聲勢強勁，熱愛運動嘅庾澄慶得知可以唱會歌相當高興，佢仲話：「我一定能夠將足球精神表達得淋漓盡致。」