香港機迷可算望穿秋水，終於等到PSP用到中文介面！最新嘅PSPFirmware2.7版昨天剛剛在日本官網公開下載，玩家只需一如過往，喺電量充足底下，便可進行更新。Ver2.7提供多項改良，最重點首推包含繁、簡體嘅中文介面支援，不但操作更簡單易明，連上網睇中文WebSite都得，比舊版只支援Unicode更勝一籌！
另一項重點改良，就係加入Micromedia嘅Flash支援。需知道目前好多網站製作都喜歡加入Flash動畫及Menu，加入成為支援格式後，令網頁本貌得以重見天日！最令人興奮嘅，係按照慣例，WebBroswer對應嘅格式，一樣可以「直Call」MSDuo睇番，即係自製咗啲Flash動畫，大可抄喺記憶卡度播放，周街向人ShowOff。若經測試後證實能對應埋Flash遊戲，乖乖不得了，以後Download、自製Games喺PSP度玩都仲得！目前只有日本官網開放下載Ver2.7，仲講明只適合日版PSP（型號PSP-1000），其他地區就要稍等喇。
記者：徐影龍
下載：www.jp.playstation.com/psp/update/ud_01.html
＊註：只適合型號為PSP-1000之日版PSP。