四月天，豈只女士要收身，男士都不能再遮遮掩掩，肚腩和鬼祟脂肪都會無所遁形。要懶唔想郁惟有做纖體機，但問十個男人九個都話唔會，原因竟然係嫌時間長兼怕悶。數住一分一秒咁過去都幾難捱，如果可以邊打PSP邊做機，打完一鋪就做完，時間就容易過啦！
記者：馬靜兒
攝影：林栢鈞，陳偉強
Model：Peggy（Salvador）&Bon
紅外線加電 極速瘦身
Men'sSkinCentre最近多了一個新的塑形療程，邊做treatment邊打PSP，別以為這只是噱頭，其實整個過程都好嚴謹，治療師會因應客人需要，利用法拉廸電流頻率，替客人去水腫、纖形、加強肌肉彈性、修形或塑造腹肌，同時又以紅外線加強效果。然後再以浸了特別藥水的繃帶包裹腹部消脂。為了解悶，場內提供三款遊戲任你選，model阿Bon話最關心啲game好唔好玩，因為紮繃帶時會很冰凍，打機就可以分散注意力。
Step
先驗身
治療師先分析阿Bon的身體水份、體重和脂肪比例，決定他適合做嘅療程。
身負八組電流
清潔後，治療師在腹部貼上八組電流貼，利用法拉廸電流頻率刺激肌肉，增加彈性。
紅外線瘦身
同時以紅外線釋放熱力，讓肌肉迅速舒緩，加速新陳代謝，加強瘦身效果。此時，你可選擇瞓覺或打機。
紮冰凍繃帶
以浸有特製藥水的繃帶包裹腹部20分鐘。由於繃帶甚凍，會將人體溫度下降約兩度，所以身體要消耗脂肪保持正常體溫，從而達致消脂效果。
輔助產品
試後感
Bon：「紅外線燈好暖，令人想瞓覺；而繃帶好凍，好難捱，好在有PSP轉移視線。」
Men'sSkinCentrebyBella（25263855）
費用：ShapeUpMust療程 $1,000
水晶碌一碌 淨化心靈
男仔愛打機，女仔愛水晶，據說水晶可加強事業運、愛情運等，所以用海藍寶石加白水晶做facial，就有嫩膚及淨化心靈作用。先用海藍寶石作微晶磨砂，磨去角質層，再用德國白水晶棒做面部按摩，在面上碌來碌去，夾吓鼻樑，在面頰打圈，減幼紋之餘，還可帶走負能量，就如將水晶手鏈放在白水晶上叉電一樣。
Step
磨死皮
洗面後，以含藍寶石和水晶粉的微晶磨皮軟膚磨去角質層，再塗上舒緩液鎮靜皮膚。
棒仔碌碌
塗上按摩霜，以水晶在面部開穴，用水晶棒在面部滾動作按摩，約20-30分鐘。
敷mask消炎
根據客人需要，敷上水份、美白或消炎面膜，15分鐘後洗淨即可。
磨皮推介
在家也可做去角質層的面部護理，一星期做一次。
試後感
Peggy：「始終都覺得人手按摩舒服啲，但水晶棒碌碌吓都瞓着咗，OK舒服啦。」
Winda'sDaySpa
（21873876）
費用：水晶面部護理 $880