電腦男有日行過旺角國美電器門口，見到一大班人圍住部LCDTV指指點點，原來又係Demo緊XB360隻高清《RidgeRacer6》。雖非首次感受1080i高清打機威力，但每次見到，仍情不自禁地駐足觀看，望幾分鐘先肯走！跟DVD舖老闆傾開，佢話荷李活大製作嘅HDDVD未蒲頭，只得一啲風景美女影碟推出，僅作試機之用，不過賣價接近四嚿水，搞到好多碟舖都唔敢入貨。
查實高清影碟制式已近埋牙階段，兩大陣營由東芝搶先推出，理應好好把握呢個先機，務求將HDDVD優點灌輸畀普羅大眾！但聽番AV通講，話香港東芝班到部HDDVD機到港，不過只肯借畀發燒雜誌測試，好多報紙同電腦書要排期到五月中。唉，唔係話佢Sale專業唔啱，目前的確只有發燒玩家先留意高清產品，不過嚟緊東芝SONY兩大陣營企硬火併，邊個最先搶到市場就係贏家，即係普及化先係東芝首要做嘅功課。玩小圈子？咪盞曲高和寡囉。講到Maketing，SONY肯定叻過佢！
4月25日 心情：無奈