「蘿蔔青菜各有所愛」，不論在路上還是在路軌行走，只要有個車字，自然惹來一班Fans，正如火車模型專家的楊先生，視火車模型為他的好朋友，在自己的模型店中闢設專層，讓同好傾傾「車經」，今次他會講玩火車模型的心得，仲介紹有真金皇冠車頂嘅火車，快啲擔定櫈仔過嚟聽下喇。
記者：鄭達基
攝影：周旭文
睇書做Research
「有好多初次玩火車模型的朋友，都好心急咁去買車卡或路軌等配件回家，但回去後才發覺不太喜歡，所以要先買些介紹各國鐵路的書籍作參考，從中揀選了喜愛的車種，再跟志同道合傾傾，衡量所能負擔的金錢，才落實購買也未遲。」楊先生說一些套裝的火車模型也是好選擇，因為價錢較便宜（約數百元起），可先熟習如何去玩，才升級更高層次。
四款模型各有特色
講完玩模型火車心得，當然是介紹車卡，楊先生特別推介以下四款有SellingPoint嘅車卡。
路易十六專用車卡
火車真身係法王路易十六專車，手工精細，車頂的皇冠更係用真金去做，High呢！
布殊紀念號最正
跟足美國「佐治布殊圖書館及博物館紀念號」製造，色調和字樣與真車一樣，4141車號也代表第41屆美國總統，全球限量130部，矜貴到極。
紅十字會125周年紀念號
紀念紅十字會125周年的火車，按照真車的色彩，夠晒吸引。
售賣點：三和玩具公司（27286922） 地址：九龍荔枝角道331號地下