名模Rosemary前晚往中環示範法國珠寶設計師TinaBarrat的作品，她透露廣東話進步神速。Rosemary精通英語、法語、德語、廣東話及普通話，擔任司儀工作可收雙份人工，又十分欣賞司儀界前輩鄭裕玲。
名模Rosemary及SofiaWallin前晚往中環示範法國珠寶設計師TinaBarrat的多款珠寶，Rosemary以流利法語與設計師交談，又以流利廣東話接受記者訪問，她表示廣東話進步神速，可全程以廣東話與母親交談。
問Rosemary廣東話愈講愈好，會否有時口快快用廣東話鬧其母？她笑說：「我唔會鬧媽咪嘅。」現時Rosemary能操英、法、德、普通話及廣東話，對擔任司儀工作大有幫助，她說：「識多國語言可以收兩份人工嘛，我最欣賞嘅司儀就係嘟嘟姐（鄭裕玲），佢好識搞氣氛。」
戴妮廷騷哥利
會否與常做司儀工作的楊崢爭飯碗？Rosemary母親Julie即搶着說：「唔會，大家風格唔同，楊崢斯文淡定，Rosemary就青春啲。」
此外，有份出席活動的攝影師戴妮廷透露早前為楊采妮拍攝一輯照片，這批照片稍後在紐約及上海舉行展覽，她說：「呢個展覽搵咗十六個唔同城市嘅女性攝影師，我有份代表香港都覺得好榮幸。其實好多年前我已經喺台北幫楊采妮影過相，隔咗咁多年，覺得佢味道唔同晒，成熟咗。」
採訪：JessicaNgan
攝影：ChenWaiOn
