繼側田與鄭少秋先後被揭發禿頭秘密，萬料不到今次輪到女新人衞詩成為甩髮主角，其實衞詩出席任何活動都與側田一樣，帽不離頭。四年前她與家姐衞蘭擔任模特兒拍攝硬照時，經已屬於高額一族，而衞詩昨日更直認因緊張導致甩頭髮，其秀髮可謂岌岌可危。
女新人衞詩近日被指抑鬱鬼剃頭，她昨日於商台接受訪問時，大方直認有甩頭髮問題，經醫生診斷證實因緊張而脫髮，現階段需要服藥及放鬆心情。
鮮有除帽示人
衞詩挾着孖生家姐衞蘭氣勢接棒加入樂壇，難免被人拿來作比較，衞蘭年初曾表示不時與衞詩傾偈減壓，衞詩解釋壓力並非來自比較，反而是早前為演出而緊張，她說：「若果甩剩一條頭髮，只要有人仲支持我，我仍然會努力唱歌跳舞，不過我唔會再畀呢件事（緊張脫髮）發生。」
衞詩日常出席活動，與側田一樣均是帽不離頭，除了拍攝MV時能一睹其秀髮真貌外，她亦鮮有除帽示人。其實衞詩本身屬於額高，早於四年前與家姐衞蘭為日本雜誌《WOOFIN'》擔任模特兒時經已有相為證。
當時衞蘭英文名為Jennis，而妹妹則沿用真名JillVidal，而操刀攝影師是夏永康，相中兩姊妹Wet味甚濃，更將眉毛拔至幼線。
否認廁所啜泣
對於報道指因黎明（Leon）偏心家姐衞蘭，故她於生日會入廁所啜泣，衞詩起初不明「偏心」兩字何解，經助手解釋後，她說：「梗係唔係，Leon對我同家姐都好好，公司所有藝人好似一個家庭咁，絕對唔係咁（偏心），同埋我都冇喊，咁搞笑。」她更表示明知雜誌會作料，故採取不理會態度。
採訪、攝影：馬建華
