唔知係咪做得領導人都要識番啲詩詞歌賦，中文大學嘅「領導人」劉遵義校長，雖然係喺美國讀番書，但原來對唐詩宋詞都有啲研究㗎噃！作為經濟學者嘅劉校長，噚日出席新地開心閱讀創作比賽嘅嘉賓，自爆自己臨瞓前會搵李白同杜甫陪吓自己先去搵周公。
佢又介紹年輕人睇比較易明啲嘅李白，年紀大就睇杜甫，因為有經歷啲，而王維嘅詩亦都係佢心水，總之就好似紅酒同白酒咁，各有各好咁話！
另外新地副主席兼董事總經理郭炳聯就話，睇見啲學生寫啲文章咁感動，但係自己想講嘢令人喊就成日都失敗咁話喎！
傳真︰2623-9278
電郵︰[email protected]