好多人問我鴨蛋同雞蛋有乜分別，其實兩種蛋嘅營養成份差唔多，不過鴨蛋嘅蛋黃味道會比雞蛋濃郁少少。其實鴨蛋膠質含量比雞蛋高，所以打麵師傅會用鴨蛋，認為打出嚟嘅麵條會爽滑啲。而平時食到嘅蠔餅大多數都係用鴨蛋，不過鴨蛋價錢比雞蛋貴接近一倍，所以始終無咁普遍。唯一例外係清明節，可能聽得「賣鹹鴨蛋」多，所以當日好多人會買嚟拜山用嘞。
