無綫上周平均收視唔錯，《女人唔易做》首周高開三十一點，有一百九十九萬觀眾收看，馮仁昭覺得幾好睇嘅節目《向世界出發》繼續上升，至於馮德倫自編自導嘅節目《老馮日記》上個禮拜六推出，比前周同時段嘅《勁歌金曲優秀選》勁升九點，有二十四點收視，即一百五十四萬觀眾收看，馮德倫話：「好開心節目咁高收視，但暫時都未考慮添食，因為出年先有期。」