周慧敏（Vivian）自九四年舉行演唱會之後便淡出樂壇，一向愛心爆棚的她為了幫香港非牟利獸醫服務協會成立獸醫診所籌募經費，決定重踏紅館舞台。Vivian非常緊張是次演唱會，人亦日漸消瘦，連其上圍都不能倖免，由CCup變ACup。
周慧敏將於下月二十五至二十七日在紅館舉行演唱會，她復出的主要原因是為香港非牟利獸醫服務協會成立獸醫診所，據知Vivian會將三場的歌酬全數捐出，總數超過一百萬元，該筆款項足夠開設該獸醫診所及營運一年。
瞓都唔安樂
昨日Vivian以一身GiorgioArmani的服飾到金鐘出席「周慧敏BackForLove」演唱會記招，一向身材甚有睇頭的她近日為了演唱會的細節大費周章，所以緊張得體重不停下降，就連上圍都縮水，可見她犧牲甚大。
由於Vivian穿的長裙重達十磅，加上其身形十分纖瘦，為免長裙下滑及有走光的危機，故她一早貼上雙面膠紙。Vivian透露其體重曾跌至九十八磅，她便於六日之內不停進食而回升七磅，她說：「我一直以嚟都係keep住一百零八磅，不過我出名係緊張大師，呢排為咗演唱會嘅事都好緊張，有時瞓咗落床個腦都不停係咁諗嘢，一諗起就會即時彈起身寫低。」
有記者問Vivian上圍是否由CCup縮至BCup時，她表示不清楚上圍尺寸，Vivian說：「我都唔知𠵱家係乜嘢Cup啦，總之我就成個人都瘦晒。」就現場所見，Vivian的上圍估計大概只得ACup。
多年前Vivian曾以一身谷胸宮廷裝示人，至今仍有不少人希望她於演唱會中再次穿上此服飾，但她表示不會刻意賣弄性感，她笑說：「好多人都關心我會唔會再着宮廷裝，今次會有好華麗嘅服飾，我會話係好似女皇啲衫咁。」
未敢請阿Sam
至於演唱會表演嘉賓方面，Vivian表示答應演出的嘉賓有谷祖琳、李克勤、黃凱芹、古巨基和台灣歌手林隆璇，不過她有一位嘉賓未敢邀請，她說：「其實我好想請許冠傑（Sam）做嘉賓，佢份人咁低調，我唔打搞佢，或者到時請佢嚟睇啦。同埋我都諗緊點樣可以帶我隻貓周慧豹上台，不過紅館係唔畀帶動物入場。」
採訪：李珮洳 攝影：陳慧安
