今年7月開始，地產代理監管局舉辦嘅營業員資格試，即俗稱「細牌」，將會改用新模式，提高難度，配合呢個安排，地監局啱啱推出新版考試手冊，載有考試內容綱要、試題同答案樣本，同報名程序等，另外，亦列出新嘅考試制度，主要嘅改變包括，考生必須同時喺分開兩部份嘅資格試，都要合格，先至算係真正過關。
而因為試題提高咗深度，考試時間將由以往個半鐘，延長至兩個半鐘。形式一律限定為筆試。
今年7月20日，將會舉行第一次新嘅細牌試，第二次係11月9日，當然，同期亦會舉行新嘅大牌試，即舊年7月已經加深咗難度嘅地產代理資格試。明年開始，每年嘅考試會有4次，喺3、6、9同12月。