從東京涉谷吹來的一股性感熱女風暴，終於殺入銅鑼灣時代廣場。打正旗號行性感狂野風格的涉谷系品牌Moussy，上周六首間海外專門店開幕，3位如假包換的涉谷旗艦店Sales隨團來港打點店務，當然也現身說法示範正宗的日式性感Girlie風。香港Moussy店靚女店員奮力應戰，結果如何？無論化妝或細節配搭，㗎妹明顯撼贏港女。
記者：吳小明
攝影：何家亮
㗎妹一號：本多清美
剛滿20的清美，在Moussy做了7個月，今勻是首次來港。看她Set晒頭化行妝一身TotalLook打扮，她說一般涉谷系女生平時都是如此，不覺得有甚麼特別。對於香港女仔的評價，清美覺得較為保守簡約，不像她們日本妹喜歡Mix&Match不同風格的衣物來突出自己；至於香港男仔，更加與日本男生不能比，清美還是喜歡自己國家男士多一點呢。
港女一號：Cherry
Cherry今年25歲，本身喜愛的打扮正是Moussy這類風格，時代感重又有青春氣息。Cherry這身打扮其實都已深得品牌神韻，但同清美比，大家覺得係咪仲爭啲呢？
㗎妹二號：EnikoSano
Eniko今年21歲，來自名古屋嘅佢，最鍾意Moussy牛仔褲，Cutting夠貼身，能夠完全表現美腿線條。佢今日熱褲透視FlareTop打扮，正正係Moussy典型的性感風格。
港女二號：Josephine
Josephine今年27歲，佢同Eniko一樣，亦是最愛Moussy的牛仔褲，亦咁啱得咁蹺揀咗同一款透視上衣。但佢嘅襯法，明顯地正路穩陣好多，鬥性感唔係㗎妹嗰皮。
㗎妹三號：成田囗子
囗子今年21歲，加入Moussy兩年零5個月，她覺得Moussy的設計風格強烈，很能夠突出自己。係囉，襯都唔使點襯就露出小蠻腰一度，真係相當突出吓。
港女三號：Christy
Christy今年24，覺得Moussy的風格有型及特別，喺扮靚襯衫方面，佢話香港女仔唔夠日本妹咁獨到，比較細膽唔敢試新嘢。咁邊個本地藝人最啱着Moussy？鄭融。
港日專門店裝修一式一樣，但涉谷嗰間逼到水洩不通，香港要發力追咯。
創出性感Girlie派
6年前，Moussy第一間旗艦店於東京涉谷109開幕。以性感、表現自我個性為號召，一出現就成為涉谷的潮流指標，影響到後來逐漸形成的日式性感Girlie派系。再加上大量日本偶像紅人如濱崎步、安室奈美惠，以致近期至紅性感歌姬倖田未來都是品牌忠實Fans，Moussy短短6年間就成為這股性感風暴的代表。
全日至強女星捧場
日本女星捧場名單多到震，仲要位位紅透半邊天，難怪Moussy喺日本咁Hit。
步姐安室 花牌到賀
遠道來港開店，一班日本女星都有送花牌致賀，幾有面子。
Bestseller牛王
Moussy的招牌項目是牛仔褲，將慣用於男裝牛仔褲的重磅牛仔布應用在女裝牛仔褲上，由於當時日本時裝界甚少將男性化的元素融入女性品牌，憑着靚布加貼身剪裁，Moussy的牛仔褲就成為品牌的主打項目，亦是店內長賣長有的Bestseller。
強項Mix&Match
Moussy主張女仔要突出自己，敢於作出不同的嘗試，是以店內的Display很多都由店員親自Mix&Match，亂碰亂撞下可能會擦出新火花，更有新鮮感也說不定。
性感Top仔
西部牛仔風配件
Moussy（28906622）銅鑼灣時代廣場502號舖
