有個寶馬Fans早前問我，話新款3系Coupe要等到幾時先登場，嗰一刻真係俾佢問到口啞啞，所以即刻飛車返屋企上網搵資料。果然皇天不負有心人，終於俾我搵到新款3系Coupe，將會喺今年9月底於英國推出嘅消息。
據廠方所提供嘅資料顯示，新款Coupe嘅機械設計與房車和旅行車版相近，但係個造型就有型好多囉！從相片中可以睇到，新車車頭、車側和車尾雖然有3系嘅影子，但望落卻明顯有型得多，尤其係佢嘅流線型和長軸距嘅車體設計，果然真的是最老土的一句：「跑意十足！」至於車廂鋪排，也是跟同門師兄弟一樣，同樣令你可以坐得舒舒服服，點解？咪就係因為入面有舒服到你唔信嘅真皮座椅，還有原廠恒溫冷氣和聲靚到震嘅高級音響囉！但是我最愛的，還是全新的335iCoupe，所選用嘅一台3.0公升Twin-Turbo引擎，馬力306匹，而其40.8kgm最高扭力峯值，更可在1,300-5,000rpm時發出，起步加速反應明顯強好多！吖！唔知新車幾時會到香港呢？
記者：鄭達基
