煲呔喺海南博鰲會議得到大曾讚許，冇樣掂都仍然話好滿意佢嘅工作，仲出口叫班商家支持佢，真係開心到死。星期六佢打發一眾隨員包括何安達同陳羿先行返港，佢同曾太就雙雙對對留低放多兩日假，今日下晝先肯回家，咁聽日行會復會，佢點可以唔返嚟主持大局。
煲呔此行除咗有得親近中央領導，最高興莫過於又多幾個人開口同佢助選，今次輪到吳光正、陳永棋同龍永圖。吳光正點都要話自己舊年已公開挺曾，喺擁曾大隊中排頭位，而龍永圖更送部notebook畀佢，話知佢工作狂喎。本筆記本電腦肯定唔平，不過，煲呔咁崇拜啲中方官員，一定話有紀念價值唔肯交出，唔信今日問吓陳羿啦。
傳真︰2623-9278
電郵︰[email protected]