每日都有唔少八卦到極點嘅親朋戚友問我，在每次撞擊測試中都會出現嘅假人，究竟佢哋每日放工又或者放假嗰陣會做啲咩呢？不如等David自己同你哋講喇。
「丹尼斯，乜你啲朋友咁八卦㗎！既然佢哋咁想知，就等我講吓啦。每個工作天，我哋一家七口都會跟富豪汽車的工作人員，走到安全設備研發中心，參加開發汽車安全設備的工作；雖然每日一返工就坐喺車上撞成幾十次，撞到骨頭都散晒，不過可以幫大家測試到車上安全設備，都係值得嘅。」
除咗返工之外，David一家人都好鍾意去郊外享受一下天倫樂。「始終日日返工都係咁撞係咁撞，如果放假都唔去郊外休息一下，真係人都癲，所以我哋一家七口都好鍾意去郊外野餐，又或者同九個月大嘅囝囝和3歲大嘅囡囡去游水，都幾爽㗎！喂，我又要開工喇，Byebye！」
記者：鄭達基
