葉璇和張文慈（Pinky）近期盛傳不和，她們前晚在亞視舉行的頒獎禮中埋牙惡鬥，二人不約而同施展姣功，最後以火紅bratop胸降舞台、勁歌熱舞的Pinky成功為頒獎禮掀起高潮，將舞姿騎呢的葉璇比了下去。
葉璇、張文慈、麥家琪、江欣燕、劉綽琪、饒珮君和珈潁等，前晚在灣仔演藝學院出席亞視《第十二屆十大電視廣告頒獎典禮》，眾女藝人不約而同以性感裝束亮相，其中以自陳煒離巢後、剛頂上亞視一姐位置的Pinky最落力，拋胸賣唱，性感誘人。
出場梗要靚
Pinky先後換上兩套低胸裝，她穿上火紅色bratop配短裙，在台上勁歌熱舞，酥胸半露，成為全晚高潮。Pinky和葉璇近日屢傳不和，兩人自然要在台上惡鬥一番，谷胸的Pinky搶盡鏡頭，她說：「我從來唔理贏定輸，我做自己嘢，最緊要出場靚，我好低調，冇計較新聞。」有指Pinky的性感賣肉度猶勝葉璇，她說：「今日係我咁多年着得最sexy，贏輸你（記者）自己睇，我唔係為佢（葉璇）而着。」
問到Pinky可擔心邊唱邊跳會不慎走光？她說：「我貼晒膠紙，一定唔會失手，我今晚都交足功課，合格㗎啦。我練咗七、八堂，仲扭傷腳，之前打咗止痛針，可以頂一日，之後兩個月都唔可以做運動。」
四條打底褲
Pinky演出完，司儀林韋辰隔着葉璇向張嘉倫說：「你覺唔覺佢幾火辣同性感。」葉璇聞言說：「你哋做乜唔問我，以女人角度都覺佢好性感。」其後葉璇亦不甘示弱，與陳寶轅大跳辣身舞，其舞姿動作挑逗兼撩人，意識大膽，問她可擔心走光？葉璇說：「我着咗四條打底褲，貼晒膠紙。」有指葉璇是該節目的主角，她說：「唔好咁講，廣告同頒獎禮先係主角。」
採訪：王崇穎 攝影：葉君海
