NBA季後賽噚日開鑼，帝王前鋒阿達斯喺開賽前早已經話，保證頭場作客衞冕冠軍馬刺必有爆冷戰果。果然不出其所料，爆冷就喺爆冷，不過係帝王畀馬刺狂炒34分！至於阿達斯本人全場亦只係攞得16分，而且命中率只得可憐嘅3成左右。今次阿達斯真係自己攞嚟衰，明知馬刺唔好惹，仲要喺開戰前撩㷫對手，搞到今場輸到連阿媽都唔認得！