二人女子組合Twins昨天到數碼港，宣傳英皇電影及驕陽電影合作開拍的電影《雙子神偷》。談起感情事，Twins向來都會由經理人或者拍檔來擋駕。
前晚蔡卓妍（阿Sa）到紅館看鄭中基演唱會，記者提出問題後，經理人霍汶希（Mani）即出言阻止，她先說：「唔好講演唱會啦，咁難得兩間公司合作，講套戲啦！」
神偷專偷心
霍汶希為轉移視線，竟胡亂找話題，她說：「阿嬌將會減三十磅呀，佢已經有一個月冇食嘢。因為想佢瘦啲，喺套戲入面同阿Sa似孖妹。」阿Sa竟搶着說：「好難似喎！」而阿嬌更出位地說：「根本就唔似，有眼耳口鼻就一樣咩？我驚減三十磅會有厭食症。」
另外，Twins在戲中飾演神偷，司儀還取笑她倆是偷心賊，偷盡少男心。阿Sa說：「心係冇得偷㗎，呢個觀念係錯嘅！總知心係冇得偷，呢啲係錢都買唔到。」不過被問到有歌迷指楊千嬅與鄭中基較合襯時，阿Sa禮貌地說：「唔講喇。」
採訪：駱華齡 攝影：陳慧安