由陳可辛（左）執導嘅《如果．愛》獲「三藩市國際電影節」選為開幕電影，剛剛榮升爸爸嘅陳可辛為咗出席呢個電影節，事前要同女友吳君如詳細安排。首先佢要喺醫院等個女出世先，之後又要接埋君如出院，接完佢先可以去搭飛機。雖然陳可辛逗留當地唔夠二十四小時，不過佢就歸心似箭想返香港睇個心肝寶貝。