許老爺所觸發嘅邊緣化恐慌引發咗一輪社會討論，討論焦點都係放喺祖國內地嘅經濟發展當中，香港所扮演嘅角色同埋過程中嘅角色變化。講到類似題目，好多人都鍾意攞香港同上海作比較，進士上周去咗上海做「親善訪問」，又等我對邊緣化發吓噏風！我想從娛樂文化作集中討論。
近年香港嘅clubbing文化十分流行，香港有蘭桂坊同上樓club，上海亦跟得好足，舉一個例子，曾經一度被視為世界數一數二嘅DJTi?to兩個幾星期前就曾經被邀請嚟香港露兩手。我嚟到上海，人家亦已經請咗佢五月初喺嗰邊表演，所唔同嘅係香港嗰次有人賣「飛」賣大咗，搞到好多蒲友入唔到大嗔搵笨！呢邊呢？個場幾多位就賣幾多「飛」，十分君真。上海朋友有晚就帶咗我去一個目前算做最hit嘅場BabyFace。玩咗一晚，進士對香港邊緣化暫時放下心頭大石，點解？
喺香港clubbing，玩嘅日子不外乎weekend或ladies'night之類嘅日子。喺上海佢哋一個星期七日都咁「爆」，起初進士以為因為內地人口多，消費市場同模式自然同香港大不同，玩落先發覺原來佢哋所謂出嚟玩嗰個crowd來來去去都係同一班人。喺BabyFace裏面，顧客大部份係二十歲出頭到三十左右嘅男男女女，個個都差不多晚晚出嚟，同佢傾番，原來有唔少都係俗稱2