鄭中基（Ronald）前晚在紅館演出，女友蔡卓妍亮相，當Ronald謂想找個投契女友，台下有人大叫：「係咪楊千嬅？」Ronald即以口形說不是。而千嬅則在昨晚往支持，新歡舊愛先後捧場。
鄭中基前晚在紅館演出第二場個唱，女友蔡卓妍（阿Sa）特來捧場，不過她整晚都看得很拘謹，以鴨舌帽遮住半邊面，當Ronald唱Twins的《愛情當入樽》時，現場螢幕即影着Twins，阿嬌大方揮手，阿Sa卻尷尬得垂下頭，最後才瞪大眼sayHi，Ronald又唱又跳後，亦不忘說：「好辛苦，Twins真係好勁，跳得又唱得。」
引導觀眾爆粗
後來Ronald唱新歌《三生有幸》前說：「我有咁多緋聞，其實都想講吓我嘅感情觀，我都想搵番個啱feel㗎。」台下即有一男歌迷大叫：「係咪楊千嬅呀？」Ronald一臉尷尬，跟着做出「唔係」的口形，似乎怕正印女友阿Sa呷醋。
Ronald前晚演出沒有第一場般緊張，表演生鬼，不時讓觀眾捧腹。大前晚他唱《夏日寒風》時曾將歌詞改編成「龍虎豹好睇，好睇，但係好鬼貴。」前晚他則故意以口形說「好×貴」，並遞咪讓台下觀眾說粗口字。
千嬅低調入場
後來張達明請兩位觀眾上台對着Ronald跳辣身舞，但他們表現羞怯，故Ronald提議改由他與達明對女歌迷跳辣身舞。到張學友前晚任嘉賓也表現其搞笑一面，他說：「我特登盛裝打番條煲呔，我怕特首唔嚟。」
此外，楊千嬅昨晚不避嫌往捧舊愛鄭中基，約側田到紅館欣賞鄭中基的尾場演唱會。千嬅約八時多，待關燈後才低調入場，但她的出現即成傳媒焦點。問到千嬅可有入後台與鄭中基打招呼，她說：「冇呀！」可是鄭中基特意安排尾場給千嬅？她說：「啲飛係公司畀嘅，我本來要錄音，但忽然唔使就嚟得。」剛為人父的陳可辛、陳曉東和谷德昭等亦有到場。
採訪：胡比 攝影：仇志德
