信奉基督教嘅關心妍（Jade），最近致力行善，出席各大小義工活動，噚日佢就以個人名義，去到大欖懲教所探訪在囚人士，同時出席「同心同行十五載牧養更生創明天」籌款活動，又以歌聲向身在獄中嘅年輕犯人傳福音。Jade話：「同佢哋傾偈，好多時佢哋都會知錯，有啲都會覺得對屋企人唔住，而我哋就要鼓勵佢哋，畀到佢哋有希望，引導佢哋改過自新，有啲犯人聽完我哋唱歌仲會喊出嚟。」