身為「饑饉之星」嘅任賢齊噚日開始要禁食三十個鐘，佢一早就食定牛腩頂肚，佢解釋話牛腩比較難消化，所以可以頂到肚餓喎。之後小齊同一班歌手赤腳玩遊戲，希望感受一吓貧困兒童嘅苦況。玩完遊戲之後，小齊九十度角踢高右腳，雙手緊握拳頭，擺出一副戰鬥格，不過由於佢赤腳玩遊戲嘅關係，腳板底有少少污糟喎！