台上十分鐘，台下十年功，在中國「雜技之鄉」吳橋，小朋友為實現到世界各地表演的夢想，每日從早到晚不停苦練雜技，今次林嘉欣應邀到吳橋探訪雜技學校，便親睹一班離鄉別井的小朋友，如何堅強地為實現理想，克服重重困境，練得一身好本領。 撰文：戴彩煥
吳橋的雜技藝術學校約有二十多間，除大大小小規模的私校外，還有一間由政府開辦、每年全國各地有不少家長慕名把子女送來的「中國吳橋雜技藝術學校」，林嘉欣今次到吳橋，便先後拜訪了官立和私辦的雜技學校，並參觀雜技表演場地。
不論官校還是私校，學生一概要在學校寄宿，如非學校指定假期，學生絕不可擅自返家。嘉欣說：「佢哋一齊練功，同學仔相處時間比屋企人更多，基本上佢哋已經成立咗另一個family，佢哋一齊食飯一齊練功，辛苦時間一齊過，開心時間又一齊過，又有機會走到中國同世界各地表演雜技，我覺得佢哋係好好嘅！」
初嘗蹬枱滋味
在雜技藝術學校內，嘉欣看到小朋友們一臉認真地練軟骨功、叠羅漢、轉碟、頂缸、踩鋼線和空中飛人，愈看愈興奮，她更在雜技老師指導下，試玩了轉碟和蹬枱等雜技。其後，嘉欣又當起人肉道具，坐在一個重達一百八十公斤的大缸內，由八名大漢連缸抬起放在女雜技人的腳板上，然後再由女雜技人用雙腳去蹬。
初時，嘉欣以為只是坐在缸內並非難事，但當女雜技人蹬缸轉動時，嘉欣即嚇得呱呱大叫，不停大叫：「好驚！好驚！」其時女雜技人知道嘉欣害怕，於是停下來，沒料到此舉反令嘉欣更害怕，要即時中止表演。雖然今次嘉欣有驚無險，但有份抬缸的其中一位工作人員卻不慎弄傷腰部。談到今次蹬缸經歷時，嘉欣仍有餘悸說：「坐喺入面耳仔嗡嗡聲，個缸又凍，又睇唔到下面個女仔做啲乜，所以更加驚！不過，嗰個女仔真係好厲害！」
兩周洗澡一次
吳橋的官立學校設備較私校完善，但學費昂貴，一年學費連食宿約一萬六千港元，絕非一般家庭可以應付得來，而私校則便宜得多，如嘉欣到訪的藝琳雜技學校，一年學費連食宿只是二千餘元，但六十多個學生每天擠在兩間簡陋的泥磚屋練習和睡覺，十二位小朋友睡六張床，學校因位於郊區，三日才供水一次，就連衞生間設備亦欠奉，小朋友每兩星期才可到公眾浴室洗澡一次，如此惡劣環境下練習，絕非一般小朋友可以忍受得來。儘管如此，這班小朋友仍毫無怨言地勤奮練習，無論跌了幾遍，也都站起身從頭再來，令嘉欣佩服得五體投地。
嘉欣說：「我好欣賞佢哋嘅堅強同勇氣，練雜技其實係好辛苦、好漫長嘅journey，但佢哋一句埋怨都冇。我哋喺城市長大，好容易半途而廢，或者好多藉口，但佢哋既然選擇咗就要堅持落去，就要做好，我覺得我都要記住呢句說話。」
憶赴台辛酸史
這幾天嘉欣亦不時跟小朋友聊天，知道不少小朋友為成為出色雜技人，實現到世界各地表演的夢想而離鄉別井，就跟當年的自己一樣，嘉欣說：「有個十五歲嚟自黑龍江嘅小妹妹，已經兩年冇返過屋企，佢話夢想係做雜技演員，就算返唔到屋企都冇所謂。
諗番起自己十五歲喺加拿大嗰陣，為咗實現出唱片嘅夢想，一句中文都唔識就走去台灣出唱片，有人問我嘢，我只係識講sorry同ldon'tknow，當時覺得自己好渣，於是我日日迫自己練習，用咗四年時間學好中文，𠵱家睇見班小朋友，我覺得好心痛，但冇辦法，佢哋要做成功嘅雜技演員，一定要經歷呢個階段。」
林嘉欣今次訪吳橋，是應無綫節目《向世界出發》的邀請，該節目會於逢星期一至五晚上十時三十五分在翡翠台播出。
