陳樞機確實不同凡響，唔單止意大利文頂呱呱，原來佢嘅拉丁文都有番咁上下功力。噚日陳樞機應邀到長沙灣天主教中學，主祭一個現時全港唯一一處舉行嘅拉丁彌撒，叫做特倫多拉丁彌撒。陳樞機全程又講拉丁文，又用拉丁文詠唱聖詩，真係唔簡單。
彌撒結束後，教友當然要同陳樞機真情對話一番，𠵱家每隔一個星期六先至喺長沙灣天主教中學舉行拉丁彌撒，幾乎個個問題都係希望教會批准喺周日舉行拉丁彌撒。陳樞機使出一招四両撥千斤，話教廷唔反對舉行幾百年歷史嘅拉丁彌撒，新、舊規格嘅彌撒同樣可以使用。雖然冇答到周日可唔可以舉行拉丁彌撒，但係教友已照單全收，真係魅力沒法擋。
爆料熱線：29290000、27860099
報料傳真：26239278
報料電郵：[email protected]