「講到着衫質料，我會偏愛cotton質地，因為着起嚟會比較舒服。好似我𠵱家着緊呢件背心，都係cotton，𠵱家天氣涼涼地就最啱著。呢件背心嘅設計利用剪裁，畀人一種隨意剪袖嘅自然效果，為咗唔好令件衫走樣同甩線，設計師特別喺領口、袖口同衫腳內面縫上一塊布條，同時間可以令件衫睇起嚟比較挺身。」
徐天佑殘鞋當寶
「我覺得成身最特別咪係對鞋囉，其實我好少着Converse，我以前打波多數都係着波鞋，同埋我對腳嘅係比較細，所以我鍾意着個款大啲嘅鞋，不過有朋友同我講，話Converse都好靚，尤其係着到殘殘哋嗰陣，咁我咪買咗呢對白色Converse，仲買多對黑色㖭，不過原來白色鞋係唔可以着到殘，因為會覺得污糟多啲。」
張敬軒罕有黑牛
「我同呢個設計師（WilliamCheung）合作咗好多年，𠵱家呢身打扮，係冇得賣㗎﹗因為只有喺佢嘅fashionshow入面先見到。我好鍾意佢嘅設計，好有個人風格，好似呢條褲，前面有兩條拉鏈，而且有洗水feel。遲啲佢仲會幫我設計啲衫，咁就唔會咁易出現撞衫情況，事關我之前都試過同吳浩康撞衫。」
黃又南溫馨手帶
「我覺得全身打扮，條BV皮手帶最特別，一來我幾喜歡呢個牌子，因為其他牌子嘅皮手帶款式都好簡單，多數都就咁一條方帶，但BV就係織辮，我本身有一條同款嘅黑色，都係家姐送，但唔見咗，之後我家姐又買多條橙色畀我，所以對我好有意義。」
採訪、攝影：黃君怡、胡苑君、馬建華
