公民黨噚日喺銅鑼灣SOGO對開嘅駱克道擺街檔，展開佢哋撲水第一擊。民主女神余若薇話，噚日朝早一返辦公室，已經收到一啲市民嘅支票捐助，真係好感動。
佢明白啲市民係支持民主，但爭取民主唔可以淨係靠每年7.1遊行，希望市民都可以支持吓政黨，因為佢哋都需要經費，請人同做政策研究。
余若薇噚日仲攞咗屋企一啲毛公仔出嚟義賣，當係籌募經費，佢話啲公仔都係幾個女嘅，佢哋𠵱家都唔玩咯，咁就試吓攞出嚟賣，睇吓乜反應啦。
執委陳家洛都好落力籌款，佢同八方講，𠵱家搞緊院校學者選民登記，不過今年高等教育界一定唔會有小小超李澤楷個名，因為佢已經唔再係城大校董，想選都冇得選！
爆料熱線：29290000、27860099
報料傳真：26239278
報料電郵：[email protected]